悠長假期文化之旅

從來都無意欲行下香港的博物館, 悠長假期悶悶地, 一於去下.

一口氣去左四間博物館

1. 香港文化博物館: 前面都有提過, 唔寫咁多啦!


2. 鐵路博物館: 就係教會隔離, 而且免費, 梗係去啦! 其實個博物館的位置以前真係火車站, 但好難想像以前係點既樣. 裏面有好多火車卡, 火車頭. 今次都係第一次仔細咁行.... 不過, 個日落著大雨, 唔單止淋濕晒, 而且重比蚊錫左好多啖.... 好痕呀, 好痕呀


3. 孫中山紀念館: 前身係甘棠第, 本來係私人大宅, 後來由後期聖徒教會用. 最後捐給政府, 政府就改成孫中山紀念館...


裏面詳細介紹孫中山先生的生平事蹟, 同時都有宋慶齡生平展, 佢兩夫婦其實都係好拍檔. 宋慶齡重話, 如果比佢重新選擇, 佢仍然會選擇呢一條路.

大宅好靚, 無論廳, 房都好典雅, 好貴氣, 我最鍾意呢種feel.

4. 醫學博物館: 一直都知道有呢個地方, 今次無論如何都要去, 入場人數好少, 我去到連埋我只有1-2人. 我覺得展品有D亂, 地牢好陰森, 當時我重擔心會唔會消毒得唔夠澈底, 會感染細菌? 我想我多心了..., 不過就真係認識左香港的醫學大事


平日去博物館原來好好架, 可以安安靜靜閱讀展版, 欣賞展品, 無細佬走來走去. 重係消磨時間, 增加知識的好去處.