好難食的甜品

放左假咁耐, 都要約下D朋友仔見見面, 今晚就同J食飯

大家的老公都唔鐘意去UXX, Italian XX 之類的餐廳, 所以趁佢地無出席, 就要把握機會食大家鐘意食既野, 今晚就去海港城UCC Cafe.

J叫左白汁奄列飯, 我就叫左雜扒, 大家都跟餐, 有個自助 salad bar, 加埋湯, tea or coffee, 好好味, 大家都好飽, 想食甜品都食唔落. 於是行陣街, 等落左格再算.

行完街準備去揾甜品, 經過新港中心, 原來地庫個food court 開左啦! 於是去看看有唔甜品店, 個度只有一千零一間甜品舖, 一於試下

見佢做緊promotion, 凡購買$16以上的甜品, 可用$10換購糕點3件, 我地又想食甜品, 又想試糕點, 於是我叫左楊枝甘露布甸, J 叫左芝麻糊, 再加三件糕點.

結果

芝麻糊: 完全無芝麻糊味, 只覺得用大量生粉水溝稀, 自己只係飲緊染左黑色的生粉水.

楊枝甘露布甸: 一樣, 無芒果味, 無奶味, 偶然食到D芒果粒同埋柚, 而且有D 乾身

糕點

椰汁紫米糕: 算係最好食的, 所以食晒

桂花紅豆糕: 桂花糕無桂花味, 紅豆糕部分OK, 所以都食晒

三寶糕: 好多豆, 不過D豆好硬, J 切開時連叉都整斷...

我同J都好鐘意食甜品, 而且唔係嘴刁的人, 每次食甜品都只會覺得唔夠喉, 但今次..... 我地都食剩, 因為實在好難食.

跟住有位叔叔幫我地執拾, 他手裡拿著另一個托盤, 托盤上有兩碗食剩了的涼粉, 我地懷疑, 究竟係人地食唔晒, 定係同我地一樣, 覺得難食呢?

完全失望, J 好想話比全世界知, 等大家唔好試. 好彩我有帶相機, 於是我將食剩的統統影低, 返到屋企即刻register 成為openrice 會員, 即時post D comment 同埋相上openrice度.