愛心牛扒

本來今晚想出街食晚飯, 但行過吉吉島發現西冷牛扒做緊promotion, 唔.... 今晚一於食西餐. 順便幫老公省點錢 ^_^

兩塊西冷扒只係$39.9, 不過, 以前會幫你醃埋, 今次只係比包醃料等你自己搞點. 跟手買多包意粉, 同埋金寶蕃茄湯. 屋企重有小棠菜, 蕃茄做配料.

雖然唔算好食, 但總算豐富, 而且重可以安安靜靜咁食飯添, 自己屋企真係好!

食點心

經雞同學介紹旺角平靚正的點心店, 今日決定同老公試下....

地點係山東街同豉油街中間的女人街旁, 見舖內乾乾淨淨, 價錢還可以, 就那那聲入去.

我地叫左兩個蒸飯 + 6個點心, 蒸飯同點心都熱辣辣, 食物味道都OK, 其中一個係鮑魚燒賣, 鮑魚係用罐頭鮑, 不過味道還可以啦!

service 都唔錯, 侍應有禮貌, 又成日幫你加茶, 我地覺得由侍應refill 茶, 好處係點心店唔使浪費咁多茶葉, 而茶錢只係每位$2, 對客人來講就節省了茶錢, 去酒樓每位閒閒地都要$6以上一位. 不過, 佢地只提供普洱 & 鐵觀音, 選擇比較少.

來到呢度, 令我地想起多年前有幾間分店的點心皇

連茶錢都係$114, OK 啦

姊妹小組特別gathering

尋晚的cell group 搞搞新意思

一於揾間靚靚餐廳飲下, 食下, 傾下....

選定了銅鑼灣風月堂, 但星期五, 銅鑼灣必定people mountain people sea, 反正我去開interview, 姊妹V又可以早D去揾位. 大家好準時6:30pm 到齊.

這間餐廳白雪雪, 坐位舒服, 最岩女仔三五知己傾下計...

我們order 了黑松露巴瑪火腿沙律, 三文魚pizza, 蕃茄海鮮湯意粉, 雞卷, yummy yummy.........




飯後還要每人一個甜品.... 好耐無食過芭菲啦, 一定要食下...




S老師分享她的教學生涯, 如何面對和應付一班頑劣學生, 還有她的爛gag, "前世殺錯人, 今世教語文", 但姊妹是中文老師呀!

偶然看看餐廳的顧客, 90%以上是女性, 餘下的10%是陪女友來的男性. 餐廳裝修這麼女性化, 也難怪吸引女性顧客.

輕輕鬆鬆, 轉眼過了三個鐘. 三號風球下, 大家都要早點回家.

美食相片特別靚.... 多謝姊妹K

賺得全世界又如何?

很多人都有留意富商爭產案的新聞, 最近終於輪到'男主角" 出場了.

可是他在庭上的證供, 跟之前所說的, 好像完全推翻了, 究竟邊句真, 邊句假?

再者, 向全香港所有觀眾"坦白" 講出自己與已離世的富商的親密關係, 真的如此親密嗎? 死者而已, 任他怎樣說都可以, 因為是真是假也無法證實. 但如果跟本這些事從未發生過, 富商的聲譽就毀在你手了.

男主角也是有婦之夫, 可曾為妻子著想過, 他的妻子怎樣面對其家人? 他又怎樣面對自己的妻子? 好, 即使妻子為錢啞忍, 那麼孩子又如何? 孩子怎樣看這樣的爸爸? 又怎樣面對同學仔?

觀眾的眼睛是雪亮的...

希望這宗鬧劇快些結束, 遺產得到合理的判決...

人若賺得全世界, 卻賠上自己的生命, 又有甚麼益處呢? 唉.....

Dior 花生Show

係姊妹A同契女靚媽介紹下, 我一個人去香港文化博物館看由Dior 贊助的花生Show.

呢個show 所展出的都係1947 -1957年巴黎同倫敦的女裝, 全部都屬於訂做服, 訂做服係上流社會靚太的專利, 因為佢地要好多靚衫去街, 去ball & 出席國宴.

無論係日裝, 酒會裝定係晚禮服, 剪裁真係好靚, 而且件件都好高貴典雅, 可以試下就好啦. 特別係晚禮服, 是但一件係結婚擺酒個晚著, 真係好正!

展覽館內重有當時model 行Catwalk 的情, 個個都好高, 身材好正而且好專業架, 而家香港D o靚模真係唔該行埋一邊....

博物館內重有新界歷史展 + 粵劇展, 展示好多昔日新界的傳統, 重有香港回歸日的程序表, 座位表等等, 而粵劇展都係展示下D大戲衫, 頭飾同埋戲棚等等, OK 啦. 最得意係有個虛疑化妝, 我就扮左駙馬, 將軍 & 女將, 哈哈哈哈...

咁就消磨一個下晝, $20真係抵 ^_^

新菜式

煮來煮去個幾味, 有D悶, 上網揾下有無新idea, 搞搞新意思

A. 茄汁肉丸

上次係宜家傢俬買左D肉丸可以大派用場 (應該話我懶自己手搞肉丸就真)

材料:

宜家傢俬肉丸約20粒

蕃茄2個

肉丸汁

水

茄汁 3茶羹

急汁 1.5茶羹

生抽半茶羹

糖半茶羹

1. 宜家傢俬肉丸在室溫解凍

2. 蕃茄洗淨後在底部界十字, 然後放在滾水中煮1分鐘, 取出放在凍水內冷卻, 然後除去蕃茄皮

3. 將除皮後的蕃茄切成小粒

4. 爆香蒜蓉, 將蕃茄粒放入鍋中

5. 加入肉丸汁煮滾

6. 加入肉丸煮熱

7. 加入香草

8. 加入生粉水獻汁, 略煮即可, 上碟後可加香草上面.

B. XO醬翠玉瓜冬菇炒金菇

材料: 翠玉瓜1條, 冬菇6隻, 金菇1包

1. 翠玉瓜切件, 冬菇浸軟切條, 金菇切除底部

2. 爆香蒜蓉, 加入翠玉瓜炒一陣, 然後加少少水稍煮, 上碟

3. 爆香冬菇, 金菇, 加XO醬炒香

4. 將翠玉瓜倒入鍋中回鍋即可.

Reject

上個星期去一間做醬料的公司second in. 本來都打定輸數, 但點知, 竟然又有third in.

但係上次second in 果陣, 我都問過個line manager, 呢份工最主要係key account management. 即係成日要同P記, W記打交道, 而且佔你工作時間的60%, 其餘40%先係marketing的工作.

我自己對key account management 的工作毫無興趣, 其實當時我都覺得唔多適合, 因為自問自己唔係牙尖嘴利的人, 而且反應遲鈍, 面對兩隻大獅子, 我會唔知點算好.

有D人可能同你講"做住先啦", "邊做邊揾啦", "試下先啦"....... 但係上一份工的經歷話比我知, 我都係唔好隨便就做一份工, 因為我需要長時間去pick up 新的工作, 如果呢份新工作重係無經驗的話, 所需時間就更長, 我相信, 無一間公司願意比咁長時間你去適應......

話雖如此, 我都好爭扎. 我曾經想過, 不如就去third in 啦, 而且accept 個offer 先, 不過on board 日期就係15/7, 去完四川再算, 呢段期間, 就再等下其他機會. 不過我都係唔想做呢份工, 同老公商量過後, 都覺得不如唔去in, 唔好晒大家時間.

去完Ocean Park, 老公催我打電話比人地, 想左一陣, 最後都打左電話, reject 左個interview.

雖然真係輕鬆晒, 但..... 下一個機會會係幾時呢?

Ocean Park 四人行

又去Ocean Park, 今次重四人行添.



最近惠康同Ocean Park 個joint promotion實在吸引, 大家儲齊四張coupon, 一齊入去玩.



去到正門.... 嘩! People mountain people sea. 梗係啦! joint promotion + 停課, 所以咁多人



今次target 看動物, 唔打算玩機動遊戲

雖然好熱, 熱到老死J叫晒救命, 但大家都enjoy 呢個旅程.

Paul Potts

老公最怕看三色台的電視劇, 今晚返到屋企禁下禁下, 見到英文台做緊第一屆Britain Got a Talent 的得獎人Paul Potts 的故事.

Paul Potts 只係個手機sales, 但有把靚聲, 只係無人發現...

我同我老公飯都唔食掛住看, 我被他的故事感動.

最深刻係個班歌劇界的人士對Paul Potts 的批評, 不能說他們錯, 或許在他們的角度來看, Paul Potts 的確唔入流, 但不要忘記他並未受過專業訓練, 這樣的批評很不公平呢. 而且他們也批評評判對歌劇也不認識, 怎樣judge 呢? 但我覺得, 這班評判不是來批評歌唱者的歌劇唱腔, 技巧, 只係選出表現最好的人而已

我倒覺得這班歌劇界的人士有點偏激, 三大男高音最廣為人認識的巴乏洛提, 當年他經常在公園演出, 也被歌劇界的人大肆批評, 可是他此舉卻可令歌劇普及化, 所以, 凡是也有兩面呀!

忠僕號

忠僕號又來香港啦, 上次來已經係07年的事了, 不過, 上次我無去, 所以襯住去尖沙嘴見agent, 順便去看看.


船的外觀


100Unit = HK$20


裏面的書, 好多都係兒童書


重有聖經


Cashier


茶水檔


船尾


紀念品

忠僕號好快就退役架啦, 所以呢次可能係最後一次上去.

紀念品中有份英文的福音橋單張, 老公覺得好好, 佢會scan 左然後send 比大家.

兩則新聞

呢兩日最多人議論紛紛的新聞, 分別係旺角又有人掟鏹水, 同埋小學教師搞一個學生三年, 只判十年....

第一單新聞, 掟鏹水的人真大膽, 竟然在同一地區重覆案件三次, 真係好驚, 唔知下次會去邊度掟添? 希望警方快D捉到犯案的人啦!

第二單新聞係一間名小學教師借補習為名, 搞一個12歲的女孩, 甚至令她懷孕而要她墮胎. 可是老師只判刑10年, 這個刑罰似乎太輕了. 雖然老師已得到懲罰, 但要知道這件事對女孩的身心都有很深遠的影響, 相信這個判刑未必帶來阻嚇作用.

鼓勵

開始對自己無乜信心, 總覺得因為自己interview 表現唔好, 所以揾唔到好工, 我相信一定有做得唔好, 要改善的地方. 但都有D灰心.

今日靈修經文: 林前1:26 - 2:5

最深刻的兩節:
神卻揀選了世上愚拙的, 叫有知慧的羞愧, 又揀選了世上軟弱的, 叫強壯的羞愧 (林前1:27)
使一切有血氣的, 在神面前一個也不能自誇 (林前1:29)

領受:
1. 我們事奉 / 工作, 並非靠自己的能力, 是神的大能成就.
2. 神提醒自己不要誇口自己過去的經驗, 因為我們在他面前是不能自誇的.

手作仔 - 升級版

上次整左個熊貓之後, 覺得好好玩, 於是趁去開金鐘見agency, 順便去Loft 買升級版來玩.

去到心大心細, 唔知揀邊款好, 最後都係揀左大嘴鳥

外盒

1:1說明書

多左好多膠條, 當然啦! 隻大嘴鳥有好多顏色, 梗係有好多唔同顏色的膠粒.

隨盒附送的工具, 製作過程中隨時有用

開始砌啦! 開始見到個大嘴

跟住見到個頭

個身都出現啦!

剩番條尾.....

成功啦! 果然係升級版, 我用左5鐘頭完成呢件傑作.

重玩唔玩呢? 如果再買, 就會挑戰終極版......