童年回憶

細個每逢復活節, Daddy 同Mammy 都會帶我去屋企附近的車厘哥夫買一籃朱古力復活蛋, 上面有隻毛毛雞仔個D. 每次去到麵包店, 見到店內有不同大細的籃子, 裡面的復活蛋七彩繽紛, 大籃的, 個蛋就特別大. 通常我只會買細籃的, 因為..... 平D嘛! 每次我都同自己話, 第日大個有錢, 我會買大籃的.......

但自從車厘哥夫執左笠後, 我就無見過呢種復活蛋啦! (雖然車厘哥夫重開, 不過都無賣復活蛋啦!)

早兩日去廣州, 老公心思思想去一德路買高達, 點知搵唔到, 老公失望而回. 為左補償買唔到高達的遺憾, 今日同老公再去愛民村商場行下個兩間模型舖.

去到商場二樓, 我又想去買零食, 於是行入其中一間零食舖, 竟然發現

係啦, 係呢種復活蛋啦! 有大籃, 又有細籃.... 朱古力蛋仍然係用七彩繽紛的錫紙包住, 而上面重多左好多毛毛雞仔.

最後我都無買最大籃的, 成$95 一籃..............唔捨得買.

至於老公, 佢都帶左佢既童年回憶..... 高達返屋企.

模型工具

老公叫我幫佢買件新的模型工具, 呢件工具叫做青春棒.....乜黎架???





好熟口面wor. 係邊度見過呢????????

估下啦...........
.
.
.
.
.
.
.
哦............ 呢支咪係黑頭針lor, 專門用來清除面上的黑頭........

莎莎及各大化妝品公司有售, 每支$6. 千祈唔好去模型舖搵呀, 搵唔到架!

特大壽包

老公的舅父最近搬新居, 今日邀請大家上去坐, 嘩! D裝修唔錯, 而且環境清靜.

今晚在附近的酒樓食飯, 最後送上特大壽飽, 你地看看有幾大個????
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.



嘩! 成個拳頭咁大呀!