新的一年, 新的開始

2008又成為歷史啦! 來個2008 Anita 大事回顧先...

1. 2007年底同老公買左樓, 2008年就忙裝修, 過程唔算麻煩, 最緊要係同老公同心解決問題, 仲可以一齊為新居努力. 27/4/2008終於可以搬入新居, 好野!!!以後都唔使捱長途車返工.

2. 嫁雞隨雞, 終於決定離開深宣, 同老公返埋同一間教會, 所以要離開我最唔捨得既詩班.

3. 公司發生左無厘頭的問題, 搞到我返工時間日夜顛倒, 係老公的support 下決定劈炮唔撈. 呢個時候, 神同我講: 休息為要跑更長的路... 那等候耶和華的必重新得力...... 所以, 要乖乖地休息下.

4. 自己放自己假, 去旅行休息下, 同阿媽去左華東, 然後同老公去歐洲, 身心得到充分休息, 返到香港, 就繼續日日係屋企做少奶奶, 但我就唔多鐘意呢種生活啦!

5. 呢個時候發生金融海嘯, 我的身家少左DD. 不過, 搵工卻困難重重, 搵工的過程中我認識自己更多, 知道太senior 既工作唔多適合我, 咁, 究竟要點呢? 我可以做的, 就係將前路仰望神, 同時好好享受假期. 就係呢個時候, 竟然有間似曾相識的公司請我.... 放左兩個月假, 係時候返工啦!

6. 人人都話我好勁, 呢個時勢都搵到工. 但我好清楚知道唔係自己好勁, 而係天上的父為我預備. 返工第一個星期真係想辭職, 但續漸我開始明白, 可能神讓我有更多的學習, 所以, 我乖乖地工作.

7. 30/12, 話咁快, 就結左婚兩年.

8. 31/12, 話咁快, 2008成為歷史

回望呢一年都發生好多事, 有開心, 有憤怒, 也有讓我膽顫心驚. 不過, 呢D都係神要讓我經歷的一切. 當中有好多新的學習, 新的體會. 感謝神讓我身體仍然健康, 雖然年華漸去. 讓我在休息期間仍一無所缺.

31/12晚, 我地都早放工, 一齊去行下街, 去加太賀食飯, 然後返屋企, 安安靜靜迎接新的一年......

新的一年, 新的開始, 我希望....
A. 順利過渡probation.
B. 搵到係埔平事奉方向
C. 學好德文
D. 儲多個$$, 不過仍堅持奉獻
E. 同老公同心

不過, 新的一年, 我仍然係訓到日上三杆先肯起身.... ^_^