澳門遊 ???

人人都有個long weekend, 我就無啦, 星期日去澳門開工.

為左可以準時到達, 我一早就買左好早出發的船飛, 點知行程非常順利, 係香港同澳門都無人過關, 去到shuttle bus 站重有一個位, 順利上埋車, 所以, 好快就到達威尼斯人啦!

去到, 食個好貴的早餐, 就開始遊覽下呢個新的旅遊點.

我沿住運河慢慢行, 可能太早, 又或者大部分舖頭都未開門的關係, 周圍都無乜人行, 所以好安靜, 真係岩晒我啦!

雖然呢度係模仿威尼斯, 但一路行, 一路想起好多年前出trip 去到威尼斯... 真係幾想再去多次. 另外, 其實D舖頭好多香港都有的, 所以都無乜特別.

雖然係咁, 但下次想同老公再來....

家好月圓hea中秋

中秋節假期 (對我地 5-day work 的人來說就唔係假期) 訓到黃朝百晏先捨得起身.

本來打算去廟街的美都餐室試下懷舊茶餐廳, 點知人地中秋節休息, 噢... 無得食, 所以啟動plan B, 行落幾條街去百老匯電影中心隔離的夏銘記.

夏銘記本來係屋企附近, 但係租約問題搬到而家呢個地方, 係我中學時代個個星期都會去食lunch 的地方, 係呢度, 我學識食辣椒油, 亦係同同學仔吹水的地方, 我最鍾意食魚片米架. 難得經過, 今日點都要懷緬一下.

今次我叫左魚片水餃米, 老公叫左雲吞麵, 重叫多碗紫菜三寶 (魚餃, 魚蛋, 墨魚丸), 米粉, 魚餃, 墨魚丸, 紫菜, 雲吞, 水餃仍然好好食, 不過魚蛋就差D, 唔彈口.

食完又去Element, 行下行下好想食雪糕, 於是行左去Haagen-Dazs, 叫左個high tea set.

好好味, 好滿足

然後又去愛民商場, 老公又買左一盒高達模型....... =_=!

最後一站, 買定蛋糕返屋企同老豆慶祝生日, 話晒中秋係老豆的舊曆生日, 點都要有個蛋糕賀下.

家好月圓hea 中秋 = 由頭食到落尾......

寵物 >人???

港人喜歡養寵物, 單是我家樓下寵物店開到成行成市可見. 而我個人也喜歡寵物, 特別是大狗, 因為它們乖巧可愛. 不過, 我和老公都只會看看, 不會養的. 因為我們不喜歡寵物的味道, 更怕貓狗的毛, 令老公的鼻敏感更加嚴重.

有些人視寵物如己出, 當它是自己的親生孩子般疼愛, 在他們而言實在無可口非, 做父母的, 一定會給自己兒女最好的照顧. 這點是可以理解的.

但如果過份寵愛, 甚至認為比照顧人類更重要的時候, 這就有相榷了. 更甚的是, 別人看見你過份寵愛而好言相勸, 但卻被你認為這相反意見是沒有愛心, 不負責任的行為, 我就甚不認同.

再者, 如果家中寵物直接影響家人健康, 又該如何處理呢? 其中一方法就是將寵物轉贈別人, 這當然是最理想的解決方法. 可是, 並非一定有人願意收養的, 再想到的, 就是交給愛護動物協會. 但據經驗人士指出, 把動物送到愛護動物協會並非對動物最好.... 又真是一大難題.

不過, 我個人認為, 家人需要始終是首要的, 如果必須盡快解決寵物去留問題去改善家人健康, 更只可在沒有選擇餘地下送到協會, 也可以理解的. 但因這行動而被旁人指責, 甚至被質疑人格, 批評的人實在過分, 因為批評的人只想到寵物, 可有想過他是為家人健康著想, 是對家人負責的表現, 為何要如此批評別人呢? 畢竟人家也有苦衷的..... 人的價值, 難度連貓狗也不如嗎?

這令我想起聖經的說話:

凡事我都可行．但不都有益處。凡事我都可行、但無論那一件、我總不受他的轄制。(林前6:12)

所以時候未到、甚麼都不要論斷、只等主來、他要照出暗中的隱情、顯明人心的意念．那時各人要從神那裏得著稱讚。 (林前4:5)

我係公筷

呢兩日都有同事離職, 所以出去食飯同佢地farewell. 今次就去左河上的賊船

成日搭車經過都話全新裝修, 有酒店式大堂. 重記得四年前係附近做野個陣, 我都從未來過, 今次真係第一次去.

入到去, 好似幾好咁wor, 真係岩岩裝修好, 到處都金璧輝煌, 上層重有張龍椅添. 入面好新, 好乾淨.

不過, 當我坐低細心觀察下環境, 金色很粗的相框, 紅金色的椅背, 我覺得........ 好深圳feel.

最抵死都係呢個

大家好, 我係公筷, 記得用我來夾送呀, 哈哈哈哈

懷念.... 小新的爸爸

星期日, 終於找到野原新之助的爸爸了.... 原來, 他去左賣鹹鴨蛋

從小到大都沒有看漫畫的習慣, 而蠟筆小新, 是我大學時代看過的漫畫.....

很喜歡這個蠟筆小新卡通的片頭歌....

http://www.youtube.com/watch?v=ywPuSkPpPEI

又係港女闖的禍

尋晚網上流傳了一段短片, 內容係一名港女大鬧元朗一間裝修材料店的Shop Manager, 她指一款洗手盆在元朗店比旺角店貴. 但當Shop Manager 致電旺角店了解情況, 並告知正確價錢時, 港女就大罵Shop Manager "打龍通".... 港女將整個"理論" 的過程, 並Shop Manager 的卡片拍下, 理直氣壯的說要post 上Youtube.....

片段一出, "女事主" 被網友罵得體無原膚....

而且, 老公更發現網友很神通廣大, 不出一天的時間便對這名港女大起底. 她的學歷, 工作, email, 相片, 朋友, 男朋友甚至家人統統被發掘. 圖文並茂與一眾網友分享, 港女終於發現自己闖禍了, 連忙say sorry, 並 delete blog 內的一切, 可惜為時已晚, 覆水難收.

我認為Shop Manager 抵讚, 他對客人無理指責表現相當克制, 或許他發現兩間店的價錢不同時, 要查清楚, 發現問題要通知分店, 這是對工作盡忠職守的表現呀!

或許港女認為自己無錯, 她認為自己有權爭取最低的價格, 但若閣下認為價格不合心意, 大可去旺角買, 再不, 就在店內理論, 用不著拍下短片, 讓人聽見你潑婦罵街, 但奇怪為甚麼只有聲音, 卻沒有把自己拍進短片內呢????

現在, 她不但自己大出洋相, 更連累身邊的人, 有說Shop Manager 因此失去工作, 她一個衝動的行為, 連累這麼多人...., 實在應該為自己的行為負責.

You Tube 不可以濫用的, 不知這位港女有否learn a lesson呢?

我的999快樂生辰 (下)

老公本來訂左九龍塘一間餐廳食意大利菜, 點知上Openrice 見D comment 麻麻地, 所以老公決定轉陣, 去半島酒店的Chesa, 不過, 太遲訂檯啦, 最快都要9:30pm, 算啦, 都係去赫德道的瑞士餐廳.


終於有機會去呢間餐廳試下, 我地叫左頭盤, 湯, 主菜, 不過無叫Cheese Foudue, 因為上次去瑞士食過啦, 要試下其他瑞士美食





樣樣都好好食


飲品都好有特色, 香港未見過架!


最後叫甜品, 我要chocolate mossee, 老公要Movenpick 雪糕,


wor.... Surprise



多謝老公的悉心安排..... 餐廳內的佈置令我想起上年瑞士之旅, 好想再去瑞士呀!

我的999快樂生辰 (上)

今年生日好特別..... 2009年9月9日, 真係長長久久

朝早返到公司, HR姊妹就送上一張紙仔, 寫上鼓勵, 恭賀字句, 姊妹當然知道我的資料啦, 她善用資料鼓勵人, 真係好窩心 ^^

臨放工, 原來大家準備左私房蛋糕, 呢個蛋糕的decoration 好靚, 而且裡面有好多生果, 包括香蕉, 好少見蛋糕內有香蕉架! 我地細細聲唱生日歌, 跟住一齊食.. 好好味!!

返左呢份工個零月, 我無想過大家會同我慶生, 真係好warm.

安慰

尋日seminar 同上司傾下計, 佢又比左D 唔好的feedback 比我, 雖然我好明白都係自己衰, 不過, 心情總唔好受, 而且都好擔心又過唔到probation.....

返到屋企, 同老公呻到樹葉都落, 不過都得到好好的conclusion. 今日返公司action. 但係, 就訓得唔好, 所以好眼訓 ZZzzZZzz

今日公司開cell, HR 姊妹分享她的靈修經文, 係詩篇46篇第一節

「神是我們的避難所, 是我們的力量, 是我們在患難中隨時的幫助。」

好安慰的經文!!!!!!!!!!!!!!!!!!

瑞士雞翼 + 葡汁炒四蔬

終於可以享受下五天工作週的樂趣, 朝早去銀行, 然後飲茶, 下晝行下街, 今晚又可以煲下湯, 煮下飯仔.

今晚用湯包煲左响螺猴頭菇瘦肉湯, 重有瑞士雞翼 + 葡汁炒四蔬

瑞士雞翼
材料:
1. 雞翼12隻
2. 薑2-3片
3. 李錦記瑞士雞翼汁一碗
4. 水一碗半

做法
1. 將瑞士雞翼汁和水搞勻, 放薑片, 並煮至水滾
2. 放入雞翼, 定時用瑞士汁淋雞翼, 令顏色均勻
3. 煮約15-20分鐘撈起即可

葡汁炒四蔬
材料
1. 西蘭花一個
2. 蜜糖豆
3. 秀珍菇
4. 珍珠荀
5. 李錦記葡汁一包

做法
1. 所有材料洗淨
2. 蜜豆, 西蘭花放在滾水中煮1-2分鐘後撈起
3. 炒秀珍菇和珍珠荀, 加入蜜豆和西蘭花, 最後加李錦記葡汁炒2分鐘即可.

有假期行下街, 煮下飯, 呢D先係家庭生活.

騎呢西瓜

今日去開又一城Taste, 每次行過都見到好多唔同形狀的騎呢西瓜, 今次終於可以同佢地影下相

嘩! 一個西瓜成幾千蚊架! 講真, 我就覺得好古怪, 特別係人面果個, 我同老公都覺得幾可怕, 可能我地唔識欣賞啦!

牛陣

今晚都好晏放工, 本來打算係沙田簡簡單單食個晚飯就返屋企, 因為前一晚大家都好夜訓..... 累死人...

每次去到沙田都唔知食乜, 老公又好肚餓, 最後竟然來個與別不同的決定.... 食D野頂下肚, 然後去始創中心牛陣食Sukiyaki. 嘩! 既然呢份工都出左糧, 一於去試下

去到, 好快就有位, 不過係坐係餐廳外面, 隔離係escalator, 唔緊要, 反正夠冷氣, 殺你啦!

Sukiyaki 其實係日式甜豉油鍋, 我同老公係日本試過, 食過番尋味, 所以一致決定要呢個湯底. 然後就點左最平個餐.

牛肉來了, 嘩! 好大碟呀, 份量等於平時的兩碟, 跟住來一碟豬肉. 而蔬菜係任食的.

水滾啦 (正確D講係豉油滾啦!) 拿拿聲放牛肉, 牛肉充滿了豉油味, 好食. 而豬肉都好甜. 至於蔬菜, 特別係白菜, 蘿蔔, 冬瓜, 滾到入晒味. 而且好甜. 正! 我地重添左碟牛肉, 兩個人差唔多食左5碟肉... 我地果然刷得

不過D牛肉食到最後覺得有D"鞋", 但無損大家雅興.

我地食到十點, 大家都捧住個肚, 要消化下, 所以慢慢行番屋企.

老公都係懷念係日本食Sukiyaki...........

讚賞

星期三一行五人出trip 去澳門.

去到先見下10月個show 的organizer, 但人地趕住去台灣, 所以約埋係澳門機見面. 哈, 當參觀下人地的機場啦! 跟住去另一個office繼續開會.

開完會之後同老細行去九如坊食lunch, 佢同我講左一句, 覺得我呢個星期進步左好多, pick up 快左. 雖然可能重有好多野佢未滿意, 不過, 都係支強心針.

食完lunch, 去山頂醫院, 再去埋 sales agent 度, 就起程返香港啦!

將心比己, 讚賞真係好重要, 可以鼓勵人, 令人更有信心. 我都要好好學習.

今天再重聚

好期待今日的四川探訪隊重聚日.....

我同老公都放假參加今次重聚日. 上到去已經兩點幾, 第一站去小肥羊食麻辣火鍋, 我地去番上次福民站個間, 平日下午茶時段, 餐廳內無乜人, 油煙都少D, 唔使逼, 又唔使爭, 真舒服 ^^

我地叫左個清涼鍋同埋麻辣鍋, 清涼鍋做緊promo... 可以任飲雪碧, 反正都要叫個唔辣的湯底, 為左省番飲品錢, 就要呢個啦! 跟住梗係要叫麻辣湯底啦!

我試左一啖清涼鍋, 覺得無乜特別, 味道一般, 所以全程食麻辣鍋.

湯傳道叫做D騎呢材料, 例如驢肉, 牛骨髓等等, 大家都麻麻地....

呢個brunch + tea 由兩點幾食到五點, 飲飽(雪碧)食醉, 買單都係RMB810, 每人都係RMB80, 再次證明要食小肥羊就要上大陸食.

食飽就去書城, 今次去新書城, 入到去覺得好舒服, 因為好大, 好有空間感, 約好大家集合時間後, 我同老公先去Music 部, 行下行下, 揀左好多古典音樂CD, 有豎琴, 鋼琴, 小提琴....., 跟住就去買書部份, 我就揀左D食譜, 重有熊貓回家路的書 (可惜揾唔到VCD, 可能無出啦!)


Shopping 之後, 去seven 買定啤兒茶爽下星期肢交會用, 就同大隊分道揚鑣. 我同老公轉戰會展中心站的家樂福.

嘩! 又見啤兒茶爽, 即刻買半打, 重有百力滋, 騎呢味薯片..., 買到成車都係, 只係RMB9X, 係香港應該唔得.

起程過關啦! 係海關整埋可以自助過關手續, 返到屋企11點

買得開心, 食得開心, 真係盡興啦!

老公靚湯

上星期六下晝要返工, 但又想飲湯, 點算好??

老公自動請英幫我煲湯, 於是我返左工之後就去超市買送, 紅蘿蔔, 青蘿蔔, 豬, 肉, 蜜棗統統買齊. 買完自己上網揾recipe, 然後開工.

返到屋企, 陣陣靚湯香味... 一定好正..

果然無估錯, 真係好香, 好好味wor. 大個仔第一次自己煲湯, 成績真不錯.

後來發現, 蜜棗變左紅棗, 哈哈, 買錯左啦, 好彩無損煲湯的味道 ^^

辛苦工作回來有啖靚湯飲. Thank you so much.

透心涼..雪花冰

尋晚原定要去弟兄阿婆的安息禮拜, 點知大老闆無端端微服出巡, 唯有乖乖唔敢走, 所以, 只好放工會合老公及各團友仔食晚飯

去完大酒店, 大家例牌去Poly U 酒樓食飯, 貪佢價錢相宜又方便

飯後, 老公興緻勃勃話要食雪花冰, 好啦, 一於奉陪啦! 我地搭港鐵去到旺角東, 落車後老公建議去黑布街的 「糖百府」. 點知..... 同平日一樣.... 好多人. 只好轉陣去旺角道分店. 分店雖然多人, 但都係等左幾個字就有位.

我地一人一兜雪花冰.... 大熱天時, 大家都好期待

老公的杏仁雪花冰 + 黑糖糖漿 + 朱古力樹皮

我的石榴雪花冰 + 朱古力糖漿 + 七彩針針 + 咖啡果凍

我唔鐘意食杏仁, 但加左黑糖糖漿就好好味, mask 左杏仁味, 而我的石榴冰好清甜, 但我覺得食到最後好似無乜味咁.. Anyway, 食完真係透心涼 ^^

等位期間, 聽到幾個so call 大學生同一個外地人的對話

" Hong Kong university students are so busy......"

我心想 "Busy???!!! Busy for what????" "當然係吃喝玩樂啦!" 老公答案夠晒精景

呢幾個 so call 大學生坐係我地隔離, 佢地介紹D 雪花冰比外地人, 但係就出現以下笑話

石榴冰: 唔知英文點讀

杏仁冰: 唔知杏仁的英文係乜

薑冰: this is garlic....

國籍: 英文應該係nationality, 不過呢班so call 大學生唔識

我同老公O 晒嘴...... 唉!!!!!!!!!!!!!! ?????????????????????

公司小組...開show

星期二終於第一次參加公司的cell group.

鬼叫自己好遲先叫外賣, 只係用左10分鐘食飯咋... 今日cell group 有六個人, 原來其中一個飯腳都曾經決志信主, 但好耐無返教會啦! 都好的, 同大家同事一齊先, 認識多D都好!

今次由HR姊妹帶組, 唱下詩歌熱身, 然後佢有少少靈修分享, 各人sharing 之後就祈禱... 可能我同大家唔多熟啦! 又或者同事分享無咁深入, 所以大家都有D見外....

Anyway, 呢個真係個good start ^^

忍著淚說Goodbye

好耐..真係好耐.... 無享受過五天工作週的樂趣....

經過連續12日工作, 今日要訓番夠本, 所以成12點半先起身...

本來好想打掃, 間屋實在好污糟, 不過老公知我想配眼鏡, 所以陪我去. 老公真係好乖, 好抵錫. 本來打算explore 下新地方, 但最後, 都係去番個間.

嘩! 好多款, 好多都鐘意..... 統統放在籃裡, 坐低試下先....

再看看名牌眼鏡, 嘩! 好貴wor, 下次先啦!

我想用個新形像出現, 所以, 我揀左呢D.... 哈, 都幾fashion 丫!!!




其實我的眼鏡都很舊了, 鏡框甩色, 鏡片變黃..... 係時候報銷了.





呢一副 BurbeXXXXX 眼鏡, 陪左我成六, 七年啦, 所以我爭扎左好耐.... 最後, 都係放棄左佢.... Bye Bye 啦!

這個星期....

呢個星期.. 返足7日工, 做Baby Expo 日日頂天立地, 但一個Expo 識晒全公司同事

呢個星期..慢吞吞認識新環境, 慢吞吞工作, 但突如其來的人事變動, 不得不開 Turbo

呢個星期.. 比老闆丙左幾次, 不過, 樣樣都唔make sense

呢個星期.. 本來開cell, 點知其中一同事唔舒服, 但第二日又要去短宣, 最後都係cancel.

呢個星期.. 很累, 很累....

期待快D星期六, 享受久違了的五天工作週

公司的小組

今日係第四日返工, 一朝就開management meeting. 哈哈, 我終於晉身管理階層了.

呢幾日同各位新同事食飯, 有飯食當然祈禱先開始食啦! 跟住, 就有好多同事咁同我講

「咦! 你係基督徒呀, 我都係wor!」

又或者

「咦! 你係基督徒呀, 呢度好多同事都係呀!」

原來呢間公司雖然只有38人, 但就有7個係基督徒.... 今日下晝收到個email, 係一個我都未認得的同事邀請我參加公司的小組. 個刻我覺得神好聽禱告, 我一直為新工禱告, 希望自己可以成為好上司, 也為我條team 祈禱, 希望相處得融洽. 原來神給我的更豐富, 超過我所想所求....

對我來講, 係公司有小組係個全新的經歷, 下個星期二第一次參加小組啦, 唔知到時會點呢?

開工了

今日終於都要收拾心情上班去

新工的第一天, briefing... briefing and briefing. 但其實個心重有D雲遊太虛, 好難集中精神.

雖然呢份工係做番marketing, 不過由於係部門主管的關係, 工作方面偏重管理, 希望學多D management skills 啦

不過, 聽我老細講好多公司人事關係的background, 當中都有好多人事問題, 真係擔心自己做唔黎.

求神給我智慧解決問題, 給我耐性對待每一位同事, 給我勇氣作每一個決定.

悠長假期...最後一天

終於來到今日了..... 悠長假期最後一天. 回想呢三個月, 真係好感恩.

感恩又可以唔使做, 而且一無所缺

感恩可以同弟兄姊妹去深圳玩番兩日, 豪飲豪食, 雖然今次唔及得上次歐遊咁精彩.

感恩去到四川探訪, 可以體會一番

感恩好多時間係屋企煮下飯仔, 整下餅仔

感恩可以香港樂悠悠, 參觀左好多博物館, 學左好多野

感恩唔係見左好多份工就搞點, 各方面條件都好唔錯, 特別感恩呢份終於係5 day work

感恩很多時間親近神

感恩睡眠非常充足, 可以訓覺訓到自然醒, 正!

還有很多, 很多....
.
.
.
.
.

可以用八個字總括: 好好休息, 享受生活

聽日就係新的開始, 好驚, 但神與我同在 ^^

懷舊玩具 @ 新港城中心

星期五看完IQ博士展, 襯住悠長假期重未結束, 叫埋老公一齊看懷舊玩具展.

呢度展出左不同的港產玩具, 有唔同銀行出的錢箱, 槍, 公仔, 士兵玩具等等, 有D我都曾經見過, 但有D就真係無印象啦! 而地下重貼左鬥獸棋, 飛行棋同埋波字棋的棋盤添, 真係好懷舊呀!

最懷念, 最有印象的, 就係當年我從未擁有過的椰菜娃娃.

呢個展覽勾起我地好多童年回憶.