胡桃夾子

由細到大都知道一個關於聖誕節既故仔 - 胡桃夾子, 但係呢個故仔講乜既呢?

今年香港芭蕾舞團又做呢個芭蕾舞, 撩老公去看, 得到既答案係...... 無興趣

-_-" .... 唉! 無計, 算啦....

點知同同事N 提起呢件事, 佢都好有興趣. 於是就相約一齊去. 我地買左19/12個場, 而票價係$260, 不過, 看個sitting plan 好似幾前 wor, 係真唔係呀?

終於到19/12 啦, 我地放工後係尖東站隊左串燒賣, 就拿拿林趕去文化中心. 好彩無遲到....

入場啦, 嘩! 我地個位係第二行, 真係好前 wor, 交響樂團就係我地前面, 呢刻我地覺得張飛好抵買.

開場啦! 我地靜心欣賞. 第一幕幾好看, 有D劇情, 內容清晰, 容易明白.

中場休息25分鐘, 第二幕, 只見舞蹈員跳出不同的舞, 有D悶, 我地差D訓著覺... 可能我真係唔識欣賞, 我都係鐘意音樂多D.

9:30pm, 散場啦, 我地兩個大鄉里總算看過, 完成左個小心願.

離開文化中心, 對面半島酒店D燈飾好靚, 忍唔住停低影下相

跟住就去食飯, 同事N 帶左我去佢鐘意食的拉麵店, 我個碗麵大大碗, 而且暖立立, 真係好好味.