細佬過大禮

15/11 (星期六)

細佬出年結婚, 佢地打算早D過大禮, 方便早D派帖. 阿媽委派我同老公幫手送大禮去女家.

細佬選擇傳統方式過大禮, 所以一早返到屋企, 就見到所有過大禮的禮品. 阿媽話女家預備左的回禮禮物重多, 咁真係要見識下.

去到女家, 放低禮物, 就準備接收女家的回禮, 嘩! 真係好多wor! 其中最靚就係蓮藕, 新鮮蓮藕用紅色的袋包好, 重以為係乳豬添, 真係大開眼界.

交換好獎品, 我地離開女家, 然後就去食豬扒麵, 老公叫左杯茶走.

我自問一向服侍周到, 見杯奶茶, 就好順手落糖, 落左先醒起..... 呢杯係茶走 (奶茶 + 煉奶)....... 弊加伙!!!!

老公梗硬飲晒杯"甜到漏" 的奶茶, 跟住大家都去salon扮靚靚.... 過了個輕輕鬆鬆的星期六.

男家的禮物

女家的回禮

包裝精緻的蓮藕