尋日行過Lauterbrunnen Tourism Office, 門外張貼了幾日的天氣預測, 話今日天氣唔多好, 一覺醒來, 第一件事看看出面的天氣. 瑞士的氣象台好準確, 老公話窗外的雪山天色陰沉, 地面濕濕的, 實在不宜上少女峰. 反正住係度幾日, 等天氣好再去啦. 所以今日決定來個遠征, 去Zermatt 看馬特雄峰 (Matterhorn). Lauterbrunnen 和Zermatt 距離好遠, 火車程約要3小時, 中途要轉好多次車: Lauterbrunnen --> Interlaken Ost --> Spiez --> Visp --> Zermatt. 而且係Spiez 還要等半個鐘才有車到Visp.
我地唔想好似旅行團晨咁早起身趕行程, 所以每日都養精儲銳, 好晏先起身, 成10點先由Lauterbrunnen出發. 行去火車站的途中抬頭一望, 咦! 點解咁多樹掛有白雪, 白色的樹同自己咁接近 尋日到個陣都唔係咁架! 看來天氣唔多好, 尋晚都唔知落過幾多場雪添. 好彩老公英明, 今日唔上少女峰咋!
天氣好差因為仍下著雨, 所以覺得好凍, 火車站設有候車室有暖氣, 我們等車時就走到裡面避風. 去到Spiez, 因為又要等半個鐘, 就在售票處坐下, 有些旅客帶著狗狗同行 (狗狗真幸福). 也有母親洗定提子等比個仔做snack. 沿途都有瑞士美麗風光陪住我地, 一d都唔悶, 我地認為, 如果打仗的話, 這裡因為太多高山, 是天然屏障, 要攻打實在不容易. 由Visp 去Zermatt 個程, 見到天氣開始放晴. 個心都定d. 這段路的景色和Lauterbrunnen 出發的有些不同. 見到好多石頭, 感覺很raw, 我地覺得無乜特別.
火車一直向上行. 我往後望, 看到的景色似曾相識, 是F.4 地理書上介紹甚麼冰河侵蝕河谷… (喂! Anita 你唔好再扮勁, 呢度好多地理人看, 唔好識少少扮代表, 失禮死人啦!), 總之Geography 書見過類似的景物啦! 途中也見到房屋, 打理得很企理整齊, 窗外也種滿花, 有些更裝有衛星的碟, 可見瑞士人生活不錯. 突然, 我見到有一塊塊的東西從天上降下, size 好細, 而且隨風飄. 我認為唔係落雹, 唔通….. 落雪. 再觀察下先, 這些一塊塊的小東西一直跟住我地. 大約下午1點幾, 我地終於到達Zermatt.
點解山長水遠來這裡? 因為買機票個陣, 歐陸的職員介紹在這裡抬頭一看, 就會見到獨立一座尖尖的雪山, 我覺得好得意, 而對老公來說也是個新景點. 老公一直都以為只會Zermatt 市內逛逛, 抬頭望下山就算, 並無留意旅遊書話可以上山看冰川, 所以無著羽絨, 只著了一件T-Shirt及Jacket, 帶了冷帽就算, 我都無羽絨, 不過都有樽領冷衫頂住. 既然會上雪山又無足夠衣物, 唯有食飽D, 等身體暖D. 我地就在火車站旁邊的餐廳食Pizza and Pasta. 食飽就上山, 我地打算去Gornergrat, 而登山火車站就在餐廳旁邊, 站外顯示下班車開出時間有時間就可以安心食飯.
窗外仍見到一塊塊的小東西降下, 這時我們確定係雪啦….. 嘩! 落雪呀! 係真雪, 唔係海洋公園個D 呀! 我地第一次見落雪, 好興奮. 食完飯準備去車站, 見到好多人向住同一個方向影相, 原來係呢個
點解山長水遠來這裡? 因為買機票個陣, 歐陸的職員介紹在這裡抬頭一看, 就會見到獨立一座尖尖的雪山, 我覺得好得意, 而對老公來說也是個新景點. 老公一直都以為只會Zermatt 市內逛逛, 抬頭望下山就算, 並無留意旅遊書話可以上山看冰川, 所以無著羽絨, 只著了一件T-Shirt及Jacket, 帶了冷帽就算, 我都無羽絨, 不過都有樽領冷衫頂住. 既然會上雪山又無足夠衣物, 唯有食飽D, 等身體暖D. 我地就在火車站旁邊的餐廳食Pizza and Pasta. 食飽就上山, 我地打算去Gornergrat, 而登山火車站就在餐廳旁邊, 站外顯示下班車開出時間有時間就可以安心食飯.
窗外仍見到一塊塊的小東西降下, 這時我們確定係雪啦….. 嘩! 落雪呀! 係真雪, 唔係海洋公園個D 呀! 我地第一次見落雪, 好興奮. 食完飯準備去車站, 見到好多人向住同一個方向影相, 原來係呢個
呢個就係馬特雄峰 (Matterhorn)登山火車 (Gornergrat Bahn) 售票處可即時看到山上天氣, 我們見OK就排隊, 到我啦! 我從菲林筒取散銀, 個售票員指住個菲林筒大讚: This is an good idea. 原來老公話呢兩日我努力揾散銀時, Cashier 姐姐見我咁慢, 好唔耐煩咁眼超超, 所以改用呢個方法.
開車啦! 沿途都會見到Matterhorn. 我地就博命影, 不過Matterhorn 都係比一舊雲阻住, 見唔到全相. 火車一路上山, 景色由綠葉變左雪景, 大約40分鐘, 就來到Gornergrat
開車啦! 沿途都會見到Matterhorn. 我地就博命影, 不過Matterhorn 都係比一舊雲阻住, 見唔到全相. 火車一路上山, 景色由綠葉變左雪景, 大約40分鐘, 就來到Gornergrat
上到山上真係好凍, 我在小商店避下風, 然後出去行下, 這裡是個室外的觀景, 可以行的地方不多, 我們又不停影相, 老公的菲林機大派用場, 謀殺了不少菲林, 然後又走到雪地上影相, 天氣很好, 藍天白雲和白色的冰河, 雪山, 很美, 我很興奮, 自九寨溝後都無見過雪和雪山了, 慢慢我也適應了氣溫, 周圍影相.
然後我們沿著斜路向上行, 上面還有商店和酒店 (我就唔會住, 又唔方便, 夜晚又黑孟孟, 點住呀!). 老公影唔到Matterhorn 的全相, 就在這裡買postcard 頂下癮, 佢又發現一款酒心朱古力, 包裝好似馬爹利的外盒, 二話不說就買左. 而我就買左三角朱古力, 因為三角朱古力上一座山的logo 正是馬特雄峰. 我重拿著朱古力在Matterhorn 下影相. 哈哈! 就係咁, 我地就逗留左差唔多兩個鐘頭, 4點幾鐘, 真係要走啦! 走的時候, 舊雲終於散開, 終於見到馬特雄峰全景. 又係老公謀殺菲林的時候.
落山後, 我地在Zermatt 市內四圍參觀, 行下街街, 這裡沒有汽車, 只有環保的電動車, 而且這裡也是旅遊區, 所以一年四季遊人很多. 店舖都是souvenir shop, 不過有些家品店, 也有售賣芝士火鍋的煲和Swatch 專門店. 雖然我唔係Swatch 迷, 但既然係瑞士特產, 梗係要參觀下啦! 最後就係去Coop入貨, 入完貨都差唔多6點, 要回程了, 回程也要3個鐘頭, 也要在Spiez等半個鐘頭車, 所以到達Lauterbrunnen都成9點幾, 今晚的晚餐… 都係公仔麵 + 蛋糕
No comments:
Post a Comment