尋日同住在旅館的香港人買左由Wengen 至Mannlichen 的纜車票, 所以今日第一站就係去Wengen. Wengen 係少女峰地區其中一個小鎮, 鎮上只有一條主要街道. 我們到達Wengen 後就見到一餐廳, 由11:30am 開始供應set lunch, 但時間尚早, 便在附近逛下. 首先見到兩個小朋友在足國際像棋.
沿途仍有souvenir shop, 不打算買souvenir 的我終被其中一間商店吸引了, 因為這裡有Edelweiss的乾花制品. Edelweiss, Edelweiss, every morning you greet me…. 歌仔就唱得多, 見到真花(正確D講係乾花)都係第一次. 最後我買了一件Edelweiss 乾花擺設.
邊朵係Edelweiss? 歌仔都有得唱啦! Small and white, clean and bright… 右下角白色那朵就係啦!
够鐘食lunch, 今日有洋蔥湯同Pasta. 不過個洋蔥湯好鹹, 味道太濃. 怱怱食完飯即刻去Coop 買飲品, 今次我買左有汽礦泉水, 而老公買左Ice tea. 然後行去往Mannlichen 的纜車站. 頭先足緊棋的小朋友走了, 而棋子也放回原位, 即他們旁邊的大木箱, 好有手尾呀! 纜車上到Mannlichen, 真係一D雪都無, 只有零星未溶的雪堆在路邊. 而且陽光很猛烈, 好曬. 我們沿著左邊的健行徑向上走, 在我前面的外國人隨手執一舊雪拋向我. 我擋~~~ 成舊散晒. 我也隨手執起兩舊拋下. 很多人來這裡行山, 有些帶著狗狗來, 狗狗見到雪就在雪堆中碌來碌去, 玩個不亦樂乎.
老公繼續向上行, 而我就走回頭路, 返回纜車站. Mannlichen 是多條健行徑必經之路, 纜車站旁邊有指示牌, 清楚指出行山徑的天氣情況是否適合前往, 更會指出那些路段有積雪, 提醒行山人士小心, 也有行山路線的地圖供遊人取閱, 上面有不同路段的等高線圖, 讓行山人士知道所選擇路段的落差. 非常周到. 右邊有露天茶座, 坐在這裡可一邊歎茶, 一邊欣賞阿爾卑斯山美景. 老公多次問我想唔想飲野, 我都無飲呀! 但就一齊玩遷秋, 騎搖搖鴨仔. 途中還見到呢個牌和呢隻兔兔, 我地看唔明內容, 但估計是一些親子路徑, 也可以野餐. 然後我們向往Grindelwald 的纜車站出發, 打算乘坐世界最長的吊車往Grindelwald. 買飛時更奉送兩包利口樂試食裝.
吊車很定, 很舒適, 風景絕對比乘坐昻平360優勝, 至少不會被一層白霧遮住. 而且比昂平360更安全. 往下看會見到剛才那個兔兔牌, 有些family 在行山, 有些在途中野餐. 半小時後就到達Grindelwald. 我們先到較近的Grund 站乘火車, 數分鐘就到達Grindelwald 火車站. Grindelwald 是滑雪渡假勝地, 很多遊人, 而且有很多日本人到來, 所以更設有Japanese Tourism Information. 我們時間無多, 只打算到冰侵河谷參觀. 但我們離開主要街道一直走, 到達民居, 看來還有很長的路, 那時已經接近四點, 最後決定折返. 回到Grindelwald 乘火車到Interlaken Ost.
到達Interlaken Ost 時間尚早, 我們便到車站旁那間很大的Coop, 發現有燒雞脾, 很香呀! 立即買兩隻並在車站旁食, 好好味呀! 回程時遇到8 人團隊其中兩位團員, 我們一齊搭火車回Lauterbrunnen, 途中聽他們講述過去一個月的歐洲行程.令我非常羨慕. 今晚旅館非常熱鬧, 因為今晚有13香港遊客住在這裡, 飯後我們清洗容器, 然後便和大家吹吹水, 這是才知道恆指跌千幾點. 而新來的兩位旅客原來也會到法國, 他問我們法國的酒店資料. 我們也樂意分享. 經過五日, 深深體會住在這種旅館的好處, 除了價錢平外, 更可和來自不同地方的旅客傾下計, 感覺好warm.
今晚是在瑞士的最後一夜, 明天一早就出發往下一站. 食過晚飯就要收拾行裝和比$$給老闆娘, 五晚共CHF270. 閒談中也邀請她們一家來香港玩. 老公認為我的背囊之所以唔點, 是因為我pack 得唔好, 以致背囊重量不平均所致, 我就請他幫我執背囊, 所以唔使做. 嘻嘻! ^_^ 不過, 我實在好唔捨得離開.
No comments:
Post a Comment