前兩日去左主要的景點, 今日就輕鬆得多, 所以今日係家務日. 早上要到附近的laundry 洗衫以及到Coop 入貨, 我們將衫放入洗衣機便到Coop 買些食物, 由於我們經常遲出晚歸, 錯過了supermarket 的營業時間, 一定要趁今早補充糧食. 只要購買private label 的產品, 價錢蠻合理的, 如Coop 牌1.5L 的汽水橙汁只售CHF0.7. 由於乾衣需時, 我們便趁這空檔步行到Lauterbrunnen 附近的秦慕白瀑布 (Trummelbachfall).
從Lauterbrunnen 步行到Trummelbachfall 需時45分鐘, 也有巴士直達, 不過半小時一班. 當我們離Lauterbrunnen 越遠, 人就越來越少, 途中有直升機場可讓遊人玩跳傘, 也有不少牧場, 牛羊正在草場上食早餐. 沿途見到很多大大小小的瀑布, 難怪Lauterbrunnen 被稱謂瀑布之城. 我們一面走, 一面拍照, 風景仍然優美, 而且遊人不多, 更添一份寧靜. 不過今日天氣不好, 有時下著毛毛雨. 沿途指示不多, 有時我會懷疑是否走錯路, 不過途中也有一對情侶同行, 希望他們也去相同的地方吧!
約45分鐘後, 我見到前面有很多人, 而且聽到巨大的水聲, 就見到呢個牌.
Bingo, 到啦!
Trummelbachfall 是山洞瀑布, 同我地平時見到個種水流沿著懸崖衝下很不同, 經過個公園時只聽到水聲, 但看不見瀑布, 公園內有售票處, 因為我們在旅館取了遊客優惠卡, 所以入場費九折 每人CHF10. 一入去就有部lift 等緊大家, 部lift 會去到山上, 然後沿著旁邊的樓梯拾級而上觀賞瀑布, 水流穿過山洞洶湧而出, 當然啦, 這裡的水流是每秒20,000L. 咦! 又見到尋日一齊搭火車上少女峰的兩位中國女生. 繼續往上走就走進洞內, 水流仍然很急, 但黑孟孟, 都看不清楚, 走近瀑布影相, 水花噴濕晒個鏡頭. 雖然係咁, 都無損老公謀殺菲林的雅興, 他不停影, 鏡頭濕左就用布抹乾再影過. 我都係第一次見到著這種瀑布, 真係好精彩. 走出洞外, 又見外面美麗的風景, 真係百看不厭. 大約一小時後, 我們就到公園外的巴士站搭巴士返回Lauterbrunnen, 由於我地持有Swiss Pass, 搭巴士免費. 老公話上次來是持Euro Pass, 所以無咁多優惠.
返到Lauterbrunnen, 立即到laundry 取回衣服, 我地都遲左個幾鐘先返來取衫. 安置好就去食飯, 我們見到有間餐廳有set lunch, 不過入到去先知已經過左set lunch 供應時間, 而且又無Pasta食, 無計, 唯有食Pizza啦!
食完飯繼續悠閒的一天, 下晝就坐火車去Interlaken, 每次去呢個地方都係轉車, 不過今次就打算好好遊覽這城市. Interlaken意思係兩個湖中間的地區. 當然有兩個湖啦! 位於Interlaken Ost 車站旁的是布里恩茲湖 (Lake Brienz), 而在Interlaken West 車站旁的是土恩湖 (Lake Thun). 最佳遊覽方法就係坐船仔. 我們先到 Lake Brienz 碼頭, 但counter 唔開, 可能未够鐘啦! 陸陸續續都有遊客來等船, 不過到 4:15pm, 都無動靜, 20分鐘後, 其他人都費時等, 陸續離開, 這個時候, 有人問我們這裡有無船仔坐, 因為她也想遊覽Lake Brienz. 但我們告訴她這裡應該無船啦! 她失望之餘也話我地知Lake Thun 應該仍有船, 因為她從那邊過來, 仍見很多人搭船. 我同老公商量過, 決定過去Interlaken West 試下. 去到個邊碼頭, 真係重有船, 最後一班船係5:25pm, 終點站係土恩 (Thun). 全程2小時. 而家先4:40pm, 我地見到火車站旁邊有瑞士另一大supermarket, Migro, 就走入去行下, 又行下個food court. 到5:15pm 返去碼頭, ticket counter 已開, 由於我們持有Swiss Pass, 坐船仔都係免費, 我問個職員Lake Brienz 船期, 佢話最後一班船係2:15pm 已經開出
食完飯繼續悠閒的一天, 下晝就坐火車去Interlaken, 每次去呢個地方都係轉車, 不過今次就打算好好遊覽這城市. Interlaken意思係兩個湖中間的地區. 當然有兩個湖啦! 位於Interlaken Ost 車站旁的是布里恩茲湖 (Lake Brienz), 而在Interlaken West 車站旁的是土恩湖 (Lake Thun). 最佳遊覽方法就係坐船仔. 我們先到 Lake Brienz 碼頭, 但counter 唔開, 可能未够鐘啦! 陸陸續續都有遊客來等船, 不過到 4:15pm, 都無動靜, 20分鐘後, 其他人都費時等, 陸續離開, 這個時候, 有人問我們這裡有無船仔坐, 因為她也想遊覽Lake Brienz. 但我們告訴她這裡應該無船啦! 她失望之餘也話我地知Lake Thun 應該仍有船, 因為她從那邊過來, 仍見很多人搭船. 我同老公商量過, 決定過去Interlaken West 試下. 去到個邊碼頭, 真係重有船, 最後一班船係5:25pm, 終點站係土恩 (Thun). 全程2小時. 而家先4:40pm, 我地見到火車站旁邊有瑞士另一大supermarket, Migro, 就走入去行下, 又行下個food court. 到5:15pm 返去碼頭, ticket counter 已開, 由於我們持有Swiss Pass, 坐船仔都係免費, 我問個職員Lake Brienz 船期, 佢話最後一班船係2:15pm 已經開出
上船啦! 2nd Class 只能坐樓下, 我們坐船尾的open area, 好大風, 船駛出河道到達Lake Thun, 湖 + 山 + 雪山, 是一幅美麗的圖畫. 我們好羨慕那些依山建築, 向著湖邊的房屋, 而且岸邊泊了不少遊艇, 有些房屋更有私家碼頭. 瑞士人真有米. 要是在香港, 這種房子的價錢肯定係天文數字. 我也很欣賞這國家人民對環境的愛惜. 這裡綠色植物比房屋還要多, 要是在香港就會把綠色部份統統剷除用來起樓. 當船經過湖邊小鎮的民居, 其中一戶有兩個小孩搖著瑞士國旗, 和媽媽一齊向路過的船揮手. 風很大, 大家都好凍, 便走進船艙內坐下休息. 老公這時不願意再走出外, 除了天色漸暗外, 他非常喜歡這次船河, 他覺得很寧靜, 很舒服, 想靜靜地休息和思考. 而我就拿著相機, 到達每一個中途站都影下相. 整個航程都好輕鬆. 我好鐘意呢個國家, 我同老公話呢度真係理想退休地方, 不如返香港找出瑞士的移民條例, 不過這裡生活費很高, 看來也不容易呀! 約7:40pm到達土恩, 下船後又落大雨, 我地即刻跑去Thun 火車站坐車回程.
我們在8:30pm回到Interlaken Ost, 見到車站旁那件有中文的souvenir shop 仍未關門, 即刻過去看, 其實人地正在收舖, 他們仍招呼我們, 最後我都買左一把瑞士軍刀, 刻好名我們也即刻走, 唔阻人收工啦!
返到旅館, 我先返房準備公仔麵晚餐, 而老公就到廚房取早上買的Salad. 但老公遲遲未返, 原來今晚好多香港人, 而尋日上少女峰遇到的港男也住在這裡, 老公和他交換了很多資料, 和我們一樣, 港男下一站都係到法國, 他打算由日內瓦轉TGV. 而我們本來打算經Bern和Basal 到法國一小鎮Colmar, 不過時間緊逼, 還是放棄直接到巴黎吧! 他的資料對我們很重要, 而我們也決定改變行程, 由日內瓦轉車去巴黎. 多謝晒你的資料!
而另外一行8人團隊今日到Mannlichen 行山到Kleine Scheidegg, 他們買了團體票但多了兩張, 所以平d賣比我地. 這票可由Wengen 坐纜車到Mannlichen 然後步行至Kleine Scheidegg. 他們說這段路落差細, 很容易行, 而且還可以迎著少女峰行呢! 我們本來今日去Mannlichen, 因為老公在別人的blog 發現這裡是個老少咸宜的滑雪場, 很想試下, 不過今日天氣唔好, 所以無去而變成家務日. 而且我知道自己無鬼用, 都係唔敢滑, 而老公唔多高興, 所以我們打算聽日上去再算. 但最後有人話上面根本沒有雪 (係wor, 而家仍然係夏天水尾初秋時段). 我們之所以見到樹上掛雪, 提早過白色聖誕只因今年天氣有點反常, 提早下了幾場雪而已. 我們真係好彩, 可以在短短一星期看到不同季節的景色. 大家又傾下呢幾日的行程, 越傾越興奮, 差不多10點幾先食晚餐 (正確d講應該係宵夜)…
而另外一行8人團隊今日到Mannlichen 行山到Kleine Scheidegg, 他們買了團體票但多了兩張, 所以平d賣比我地. 這票可由Wengen 坐纜車到Mannlichen 然後步行至Kleine Scheidegg. 他們說這段路落差細, 很容易行, 而且還可以迎著少女峰行呢! 我們本來今日去Mannlichen, 因為老公在別人的blog 發現這裡是個老少咸宜的滑雪場, 很想試下, 不過今日天氣唔好, 所以無去而變成家務日. 而且我知道自己無鬼用, 都係唔敢滑, 而老公唔多高興, 所以我們打算聽日上去再算. 但最後有人話上面根本沒有雪 (係wor, 而家仍然係夏天水尾初秋時段). 我們之所以見到樹上掛雪, 提早過白色聖誕只因今年天氣有點反常, 提早下了幾場雪而已. 我們真係好彩, 可以在短短一星期看到不同季節的景色. 大家又傾下呢幾日的行程, 越傾越興奮, 差不多10點幾先食晚餐 (正確d講應該係宵夜)…
No comments:
Post a Comment