一早起身就要收拾好行李準備check out. 不過, 首先要去食個早餐, 我知道歐洲酒店的早餐都係麵包, cheese等等, 呢餐都唔例外, 但已是全個歐洲之旅最豐富的早餐. 入到餐廳, 職員就問我們飲甚麼, tea or 咖啡 (用普通話說). 我們很surprise. 這餐真豐富, 我們不停食麵包, cold cut, cheese, boiled eggs, 水果. 這時, 越來越多亞洲人來食早餐. 食飽, 返房取行李check out 並寄存在酒店, 就開始今日的行程.
今日天氣很差, 下著雨, 我們準備到蘇黎世郊區的瑞士蓮朱古力廠. 我見咁大雨, 本來想坐船, 不過老公認為都係搭火車好, 好啦, 聽老公話啦! 雨越落越大, 火車走到郊區, 都看不見對岸景色, 到達後走出車站, 就見到呢個牌
咦! 行10分鐘, 本旅遊書又話行25分鐘, 好彩無信本書. 我地沿住個牌行, 唔識就問路, 瑞士人雖然講德文, 但年輕一輩都能說流利英語. Good! 行下行下, 好快就到.
其實我們只能到廠房地下的專門店買朱古力, 一入到去, 嘩! 好多款呀! 有D曾經見過, 有D香港都無得賣 (特別係排裝朱古力), 價錢平過香港, 行左一個圈, 開始掃貨.
一開始我們選了些特別的瑞士版packing, 但後來發現有好多packing 唔靚但價錢靚的貨品, 我建議老公不如買這些給至親, 公司和團契手信, 至少也不用花錢在packing 上, 好似化算D. 然後掃D近期貨, 香港買唔到的排裝朱古力等..... 越買越興奮. 所有朱古力買左CHF84. 不過人人有分, 我們都好樂意的. 原來好多當地人來買的. 買完11點幾, 我們拿著戰利品, 在廠房外圍走走, 影下相, 我們曾看到別人的blog 上說, 在廠房外圍可聞到陣陣朱古力香, 原來真係聞到, 當然要索多兩啖啦!
回程經過一間餐廳, CHF18.5, 有湯 or salad, 有main course, 我地覺得好抵食. 老公建議順便在這裡食午餐, 都好wor. 這裡環境好好, 看對湖的對岸, 當我們坐低, 又開始下雨. 時間岩岩好!
呢餐真係好豐富, 飲住個熱辣辣的湯, 還有好新鮮的蘋果汁, 一切都好好味, 最後重有個dessert, 實屬意料之外. 連埋蘋果汁都係CHF21, 呢個時候, 我開始接受了瑞士的物價, 比起尋晚個餐咖哩飯, 都算抵食. 食完就返去蘇黎世. 來到火車站, 老公建議問下隻錶幾多錢, 岩就買, 一問之下, 嘩! CHF98. 當時我買都係HK$400, 咁貴, 都係唔買啦!
返到酒店pick up 行李, 由於酒店在小山坡上, 所以我要背著背囊落樓梯. 個背囊好似側埋一邊, 有D辛苦. 中途又下雨, 不過, D雨聲好似有D唔同, 一看之下, 原來落雹, 雖然香港都會落雹, 但今次都係第一次親眼見到, 每粒冰雹有2-3mm 大, 打在人身上並不痛.
去到火車站查詢如何去盧達本納, 本打算直接去Interlaken, 點知原來當時無直接車去Interlaken, 只好Zurich --> Bern --> Interlaken Ost --> Lauterbrunnen. 嘩! 好轉接. 其中Bern 去Interlaken 個程, 一上車, 我地坐得好舒服, 原來我地入錯頭等車廂, 火車職員建議我們一係upgrade 頭等, 一係就經過餐卡去番二等車廂, 我本來想博大霧, 職員走左就費時理佢, 不過老公話唔好, 好啦! 乖乖地番去2nd class 啦! (後來發現, 車廂外有個數字, 1 即頭等, 2即2等, 下次醒目啦!)
離開Zurich 時, 我有D失望, 我覺得眼前的景物並非我心目中的瑞士, 是否我期望過高呢? (想起華東之旅, 我對杭州西湖好高期望, 但到頭來, 當然係失望啦!), 不過, 隨著火車接近Interlaken, 我的感覺改變了. 話明Interlaken, 當然有湖啦, 而且開始見到雪山, 眼前景物與自己對瑞士的認識開始接近了. 到達Interlaken再轉火車到Lauterbrunnen. 檯上已經印有少女峰地區的地圖了.
火車經過河流, 山邊, 山上的樹葉開始變黃和變紅, 景色非常優美, 河水很清. 半小時後, 終於到達了. 然後我們要行路到旅館, Chalet Im Rohr. 一路行, 一路見到在香港search 過的酒店. 老公8年前來過, 佢覺得變化好大, 商業化了, 以前無supermarket, 而家有Coop, 有Internet cafe... 行左10分鐘, 我個背囊越來越唔點, 有時要停低休息下. 終於到啦! 旅館是瑞士傳統房屋 - 人字型屋頂的木屋, 如旅遊書所講, 窗外種滿紅色的花. 老闆娘Isabella 在門口, 我們道明已book 房間, 他就帶我們去. 放下行李. 安頓好, 參觀個廚房, 設備真係好完善, 洗手間, 冲涼房都好亁淨. 房內有洗手盤, 飯檯, 好warm, 有家的感覺. 不過, 地板是用木做的, 行路時木板會上下郁動.
參觀廚房時, 飯堂有幾位亞洲人正在準備晚餐, 其中一位問: Where are you from? 我回答: Hong Kong. 然後他即刻轉台, 用廣東話說: 喔! 自己人來的! 原來他們一行8人也是從香港來. 都係住5晚. 我地好開心交換情報. 其中一位經驗豐富, 他介紹我們去First 看雪山在湖水的倒影. 看來好吸引wor, 有時間一定要去行下.
安頓好, 我們出外走走, 畢竟在這裡住5晚, 要熟悉周圍的環境, 我們就住在Stachbach Fall 旁邊, 老公又帶我到8年前曾經住過, 很出名的阿婆屋, 阿婆屋有兩間, 屋仔細細, 現在看來有點逼. 我又見到一個阿婆在招呼人, 老公話那個就是阿婆屋的主人. 老公舊地重遊, 當然要影下相. 我們沿著河流走, 抬頭看山上的小屋, 有牛羊在食草, 有些家庭的花園有小矮人公仔, 家家戶戶都在窗前種花, 很安靜, 這時我想起飄零燕卡通, 不過卡通所描繪的景色卻真真實實在我眼前呈現.
後來我地在市內參觀, 又去旅遊局, Coop等, 六點幾鐘, 行過幾間酒店, 原來呢度有Cheese Fondue 食, 我地格下價, 發現Hotel Jungfrau 最平, 於是決定今晚就試下呢個瑞士名菜. 我地問過侍應那一款口味最傳統, 就選個款試, 每位CHF20, 最少兩位. 而火鍋料.... 就只有麵包.
我們急不及待將麵包放入芝士中, 第一口覺得芝士好鹹, 不過幾好味, 我們不停食, 但越來越覺得"溜", 食到最後, 部份芝士濃左, 而我們都好飽了, 只好停下. 總算試過瑞士名菜. 返到房, 第一時間沖杯普洱茶清下腸胃. 原定今晚的晚餐 - 公仔麵, 就留待聽朝做早餐啦! 整理下行裝, 洗個白白, 讀完聖經, 大家都要休息了.
No comments:
Post a Comment