瑞士之旅終於結束啦! 今朝一早就要check out, 食過早餐, 最後執拾好, 背上背囊, 準備出發. 離開旅館前, 首先還鎖匙, 然後同老闆娘話別, 最後簽好guest book, 原來8人團隊簽好guest book 並已經出發, 而我們準備離開時卻遇到港男和昨晚抵達的旅客, 港男想再周圍逛後才出發, 法國見啦! 寫好guest book, 我們就到附近Ey 的巴士站等巴士. 我一面行, 一面周圍望, 望多兩眼, 盡量記住這裡美景, 也多吸兩啖香港找不到的清新空氣, 實在捨不得離開. 等巴士期間, 老公話影下相, 我的表情就係扁嘴. 我好唔捨得呢個地方, 而我都唔出聲, 靜靜欣賞. 巴士來了, 老公正在對面馬路影相. 我大叫他, 他準備衝過馬路, 其實對線也有車駛來, 老公差d比車撞親 @_@, 嚇死人啦! 好彩有驚無險.
到達火車站, 我再抬頭望望雪山, 咦! 山頂上和樹上D積雪都溶晒, 變成了光禿禿的山頭. 這幾天的天氣比我們到達時和暖, 雪也溶化了. 要走的總是要走, 火車向Interlaken Ost出發, 山上的樹葉變得更黃, 更紅, 秋意更濃. 我同老公話看來不需再去九寨溝了, 這裡的景色比九寨溝更靚. 到達Interlaken Ost便要轉車到瑞士的首都伯恩 (Bern), 然後再轉車到日內瓦 (Geneva), 到達Geneva 約為1:30pm, 我們沿著指示到往法國TGV的售票處, 買好下一班車(4:14pm) 的車票. 時間尚早, 便找個locker 放好背囊, 準備在車站附近逛下.
首先當然來個lunch, 竟然找到中國菜, 當然要入去試下, 雖然味道很鹹, 不過闊別中國菜多天, 一切都很好味. 食飽後再確定附近有無supermarket, 好讓上火車前補給和用光所有零錢, 跟住就周圍逛. 畢竟這裡大城市, 這裡人多車多, 周街都見到OL 和西裝友, 而且不同國藉的人也很多. 我們沿著馬路走, 見到新舊建築物, 也再次聞到久遺了的汽車廢氣. 不久便來到日內瓦湖邊, 我地影下相, 欣賞那13呎高的噴泉, 再走到附近的教堂和街道. 最後到Migro 買些飲品, 麵包和到麥當當買些包. 這時我地都用晒身上所有的瑞士法郎了. 點知麥當當見到牆上畫左漢堡神偷, 而且有真人版麥當勞叔叔, 當然要把握機會和這些香港絕版的character影相.
3:50pm, 要返去車站啦, 真係要走啦! 取回背囊到passport control就上TGV. TGV的車廂有點殘舊, 而且只有French 廣播 (瑞士的火車一般都有德文, 英文和法文廣播, 廣播系統聲量充足, 非常周到). 算啦, 反正都係總站落車, 無所謂啦! 開車啦!
Goodbye Switzerland. I will be back.
火車漸漸遠離瑞士, 沿途仍見到綠油油的草地, 不過一個鐘頭後眼前的景物就唔同晒, 我覺得周圍很污糟, 而且亂草叢生, 路邊的屋很殘舊, 河流水唔清, 我相信我地已經踏入法國國境. 唔….. 第一個印象唔多好. 果然, 手提電話都轉左網絡啦! 呢個時侯, 外面落好大雨, 天氣唔多好wor. 經過3.5小時, 大約8:00pm 我地到達巴黎里昂車站.
火車站同地鐵站係相連的, 老公8年前都來過巴黎, 知道有地鐵連續票 Carte Orange 買, 第一件事就係買呢種票. 老公叫我一定要帶相片, 好彩我都聽話帶左, 所以買到. 呢種票有效期為一星期, 但無論邊日買, 都會係星期日expire. 而價錢按著所cover 的地區而定. 我們買的可到達Zone 5, 每人Euro 33. 巴黎的地鐵很多人, 而且很殘舊, 網絡也很複雜, 好彩老公一早做晒功課, 知道要坐邊條線, 係邊度轉車, 我們要坐7 號線到Maison Blanche 站, 到達後只需行5-10分鐘就到達酒店.
酒店 (Hotel Novex) 位於巴黎13區, 附近係唐人街, 而呢間酒店係由中國人打理, 所有職員都識講廣東話. 好親切, 大家可以溝通得到, 到達酒店取得鎖匙後就上房, 職員話部lift 只可容納一人, 我地好奇怪, 部lift 真係好細, 可容納兩個人, 但我個背囊大, 所以要一個個搭lift, 入到房有陣味, 應該由廁所傳出, 而且房間唔算乾淨, 不過以每晚Euro 60價錢在巴黎住有獨立浴廁的酒店, 還可期望甚麼? 安頓好已經晚上10點, 要食晚飯啦! 職員譚先生介紹我地去後面街一間由香港人開的中國餐廳. 都好, 試下啦! 去到餐廳仍然有很多人, 有些是法國人, 也有亞洲人, 我叫左乾炒牛河, 老公要左個叉燒燒鴨飯. 每碟Euro 8, 即HK$88, 呢個時候, 我好懷念香港的食物. 我的乾炒牛河都OK, 但老公的燒味就唔多掂, 個汁好甜, 燒味唔新鮮. 算啦! 呢度係法國, 想食好味的中國菜, 都係返香港啦! 食食下, 有一個黑人羅住好多花, 唔出聲企係我地旁邊, 想我地幫佢買花, 起初真係比佢嚇親, 但佢都係揾兩餐o者. 當然啦, 佢行勻晒成間舖都無人幫襯. 其實我覺得佢幾慘架! 食完飯返到酒店, 同譚生傾下計, 他好想知多d香港的事, 還有5晚, 可以慢慢傾, 經過一日車程, 大家都累, 要好好休息了.
No comments:
Post a Comment