歐洲之旅 - 出發日

1/10 晚, 2/10凌晨


同阿媽去完華東之後一直都忙於interview, 走遍港九新界. 天氣又熱, 著住套suit 真係幾辛苦. 話都無咁快, 10日就過去, 好快又到1/10. 就快出發啦! 好緊張呀! 好緊張呀!

為左方便追火車, 上落火車站和行去hostel, 今次我打算用背囊, 呢次係我第一次用背囊, 老公成日都笑我臨老先學人做backpacker........ -_-".......












我的背囊

Lawrence 的背囊

由於1/10係教會大旅行, 是次旅行由老公的團契負責, 老公身為導師, 當然要出席支持大家啦! 所以老公一早就出左門口, 而我就係屋企最後打點, 執下屋, 費時番到來間屋D塵舖到好厚.... 旅行結束, 老公用九秒九速度飛番屋企洗白白. 跟住食晚飯, 我地去食燒味飯, 因為未來十幾日都無中國菜食. 食完番屋企, 準備出發....... ^o^


點知當我一背上背囊, 嘩! 好鬼重呀! 我差D企唔穩....... Anita 真係無鬼用. 不過, 為左方便, 都要死頂.....快D上的士, 轉A21, 快D去機場將行李寄倉....

好快找到的士, 話去紅磡站, 司機好似有D猶疑, 係wor, 今日係國慶, 今晚放煙花wor, 哎呀, 咁A21咪要改道lor..... 唔理啦, 見步行步啦! 去到紅磡站, 我地重見到煙花添. A21真係改晒路, 本來應該行彌敦道, 改由大角嘴去..

到左機場check in, counter姐姐問我地去邊? 咪寫左係張機票度lor. 姐姐又問 Zurich 即係邊度??? 我真係O 晒嘴, Zurich = 蘇黎世, 點解你做航空公司都唔知個地方名?????? 姐姐見我地個背囊咁重, 好奇怪問我地: 咁重, 點去玩呀? 老公都好用心解釋比佢知. Anyway, 搞點, 入閘




先去倫敦










就係坐呢架飛機啦!

12:35am, 夠鐘起飛啦, 咦, 點解唔飛? 咦, 個 in flight entertainment program 重boot 緊機, 搞來搞去, 就係因為個program, 足足遲左個半鐘頭先起飛. 我地就呆坐在機艙內, 痴痴地等..... 起飛後, 食過飛機餐, 我就掛住聽歌, 老公就看movie, 食下雪糕, 杯麵, 大家都無乜點訓過

朝早7點機 (倫敦時間), 終於到達Heathrow. 係飛機上見到London Eye, 老公話都算叫做來過倫敦......... 唔係化, 咁都算數???????

Heathrow 機場指示清楚, 我地好容易由Terminal 1去Terminal 5, 不過過Custom 時就好嚴謹, 有D人要除鞋, 鞋都要過X-ray (Anita 第一次見咁嚴謹, 真係失禮晒). 隊中有兩個香港人夫婦, 見我地楂住HKSAR Passport, 就問我地識唔識中文, 想問路, 我地當然樂意, 不過自己都係第一次來, 真係愛莫能助. 過左海關, 就行下D shop, 有Peter Rabbit, 又有Harrod 袋, 算, 費時搬, 回程先買.........

轉機去Zurich







Terminal 5, 係英航的跟據地