老公的上司係法國人, 但佢知道老公打算去法國旅行覺得好奇怪, 因為佢話巴黎呢段時間天氣差, 唔係去法國的最佳時候. 再加上尋日由瑞士過來落好大雨, 我對呢度的天氣都無乜期望. 但今朝早起身竟然天朗氣清, 一滴雨都無落, 老公決定到郊外行下, 所以巴黎第一個行程就係去凡爾賽宮.
去凡爾賽宮的方法好簡單, 有RER 直接到達, 當我地係RER 等緊車, 我就見到好大座鐵塔係我眼前, 看來好近wor, 細心d看, 原來兩個旅遊點都係同一條RER線上, 所以, 今晚可以順便去埋鐵塔. 去凡爾賽宮的地鐵上, 其中一個站突然有兩個人帶住手風琴上車, 然後係度表演, 起初我都有D驚, 因為唔知佢地係乜野人, 表演完畢, 佢地就向車上的乘客要錢, 原來係賣藝者, 但係香港好少見到呢D情景. 去到凡爾賽宮站再行10分鐘就到達, 嘩! People mountain people sea. 好多人排隊買飛呀! 畢竟凡爾賽宮都係著名的旅遊點, 自然多遊客, 看來以後都好早d起身, 早d出發. 我地打算買one day pass. 除了參觀皇宮外, 更可參觀大, 小特麗亞儂. 買左飛就去取導遊器, 然後開始參觀行程.
我地首先參觀小教堂, 然後參觀畫廊, 畫廊內有很多油畫和雕刻, 雖然我唔知內容講乜, 不過就好欣賞d畫工, 真係好仔細. 之後就參觀大廳, 鏡廊, 皇帝皇后寢宮等. 我很喜歡參觀西方的皇宮, 裡面的燈飾, 傢俬等都非常精緻, 而且保養功夫很好. 有時我也會幻想以前住在這裡的人的生活. 最後參觀戰爭畫廊, 內有法國過去曾參與的戰事的油畫. 可是我的西史僅F.3程度, 對法國過去的歷史及路易十幾的功績毫無認識. 參觀完就去皇家花園, 花園很大, 而且樹木也修剪整齊. 我們在酒店附近買些三文治, 先食個簡單的午餐後才繼續參觀, 下一站是大, 小特麗亞儂, 距離皇宮約15-20分鐘路程, 但行了一個上午, 實在有點累, 不過還是慢慢走過去, 遊人越來越少, 多了份清靜, 我們走在花園也感到很舒服. 大特麗亞儂位於深宮, 可讓路易十四遠離權力中心, 輕鬆一下. 內裡的陳列, 傢俬不及皇宮豪華, 但真是休息的好地方. 而旁邊的小特麗亞儂也是個別墅, 環境清幽, 參觀後, 我們也實在太累, 只好乘坐小火車回到花園, 最後在皇家花園再拍拍照. 時間差不多了, 我們也要離開, 到下一個景點 – 艾菲爾鐵塔. 雖然參觀時間不多, 但總算見識過這世界聞名的皇宮.
不過到鐵塔前, 還是要醫肚, 我們選擇了在麥當當食晚餐, 一個餐約HK$60 – 70, 比瑞士平得多. 休息過後, 就到鐵塔. 我們到站後就向著鐵塔的方向走, 邊走邊影, 但要拍得全景, 只好到對面馬路影, 天黑了, 鐵塔也著晒藍色的燈, 有時會閃閃下. 好靚. 進入鐵塔售票處前要先經過security check, 售票處又大排長龍, 我們最後選擇登上最高層欣賞巴黎夜景. 到達第二層還要再轉電梯, 又要排隊了. 最高層很多人, 也很大風, 老公又拿著相機拍攝夜景, 但畢竟人太多, 經常碰到相機, 很難拍得清楚的相片, 上面有counter 售賣香檳慶祝登上塔頂, 不過每杯Euro 10…. 巴黎的夜景也不錯. 當然, 我還是認為香港夜景最美. 實在太大風了, 我們也走到第二層觀景台, 看看那永遠都不明白的地圖. 大約10點, 我們便回程返回酒店.
返到酒店, 譚生很興奮要同老公傾計, 因為今日有人教他用You Tube 找到些香港電影, 我們又和他談談時事, 經濟, 香港的人和事, 感覺不錯啊!
No comments:
Post a Comment