12點幾, 終於來到Zurich機場啦! 瑞士, 瑞士, 我來了!
落機後撘無人駕駛列車到Arrival hall, 在漆黑的隧道中突然聽到牛牛的叫聲, 而且重有D動畫 (好多年前金鐘至灣仔MTR都有個D), 不過我坐倒頭車, 甚麼都看不見. 瑞士人真醒, 在機場已經開始讓旅客感受他們的國家! 經過passport control就去取行李, 我的背囊出現了, 但老公的.... 等了又等, 連輸送帶都停埋.
職員話: No more bags.....
唔係化! 係香港已經遲起飛, 而家又唔見行李, 咁黑仔? 但理智話比我地知, 去lost and found counter 啦! 職員幫我地check 下件行李的下落, 原來留落在London, 下班機, 大約3點幾到. 咁都好D, 今晚有得用. 登記好, 留下酒店地址, 都係出閘, 找shuttle bus 到酒店, 老公背了我的背囊, 哈哈, 我就輕鬆晒.....
先去tourist information counter 取地圖, 同埋問下搭邊架shuttle, 因為出面都是Movenpick, Marriot 的車, 找到了, 上車, 到酒店 (St. Josif Hotel), check in, 並通知酒店方面機場會直接將老公的行李送來. 酒店職員帶我們到房間, 一打開門.... 嘩! 房間好大, 洗手間好大好舒服.....
當然啦, 這晚是整個歐洲之旅住得最豪的酒店, CHF225一晚, 我們想到達Zurich 後有地方落腳, 放下行李才去玩. 安頓好, 梳洗下, 打電話給阿媽和奶奶報平安, 就出發去琉森.
酒店離蘇黎世火車站唔係好遠 (呢個都係老公悉心安排). 行5-10分鐘就到. 蘇黎世火車站好大, 人流好多, 車站lobby 重有exhibition 場地, 當時有人搭緊stage. 但一到達火車站, 老公第一件事, 就係衝入Burger King, 不過唔係開餐, 而係格下價, 看看一個餐幾多錢... 嘩! 成CHF 14.9, 咪成HK$100一個餐? 原來瑞士的消費真係好高!!!!
蘇黎世火車站一角
跟住我地就要找合適的火車到琉森, 要下午3點半才有車, 我地首先activate Swiss Pass. 再係火車站D Shop 行下. 行到一間書店 + Souvenir Shop, 見到我好鐘意的掀蓋手錶. 係香港買過好多次, 但個蓋成日都鬆左, 我想, 如果價錢合理, 我一定會再買. 火車站也有些Kiosk, 賣下可樂, sandwich等等, 一份sandwich 都要CHF6......
上車啦! 上車啦! 我們找到位置坐下, 這是架雙層火車, 車廂內很乾淨, 很舒適, 設備齊全, 每個位都有檯, 有rubbish bin, 方便乘客. 開車了, 旅程開始了.
火車慢慢離開市區, 穿過隧道, 看到蘇黎世湖對岸的小山坡和房屋, 我已經大叫好靚. 但老公就無反應, 佢話: 呢D都未算最靚..... 大約1個鐘頭, 我地就到達琉森.
火車上拍得的景色
一到琉森, 我已經好肚餓, 快D去醫肚先, 最後都係去麥當當, 一個餐都係唔平, 所以我地買左兩個包, total CHF6.4. 食完開始行程.
琉森都係一個大城市, 所以週圍有很多歐洲特色的建築. 第一站去水塔花橋. 行左約5分鐘, 咦! 咁快就到. 呢一刻有D失望, 好似無想像中咁靚. Anyway, 影下相, 就拿拿聲行上條橋. 橋上的橫樑有很多圖畫, 但內容就唔知講. 行到對岸, 就在市內參觀, 我覺得都係一般歐洲城市的模樣. 沿途好多講普通話的人, 看來我們的同胞都不甘於來香港或亞洲地區玩, 開始進軍歐洲. 不過他們高談闊論, 大大聲講野, 實在不敢恭維.
沿途很多錶舖, 叔仔請老公幫他買隻錶比佢老婆, 我們看到一隻天梭錶, CHF195, 款式不算新, 但價錢都算OK, 老公就打比叔仔, 不過他最後決定唔買, 咁算啦! 我們繼而參觀賀夫教堂, 但教堂外牆正在維修, 大門也上鎖, 只好在門外拍照. 然後到垂死獅子像, 石壁上的獅子像雕工一流, 很逼真. 不過像下面的水池就亁晒塘
然後我們沿著小路離開, 沿途很多souvenir shop, 我看看就算, 因為根本無打算買. 其中一間是由中國人打理, 店主說著中文, 有D親切, 我差D買了一條瑞士糖. 沿途又見到呢間店舖
之後我們走到琉森湖邊, 湖邊有好多鵝, 也有很多遊客餵牠們食野, 所以隻隻都好肥. 再沿著湖邊走, 老公又話我知當年來琉森的景況. 老公知我想坐船仔遊琉森湖, 就到碼頭邊看time table, 然後在湖邊散步, 大約6點有船, 問了職員, 8點才回到琉森, 我覺得太晏了, 本想打消念頭, 因為遊湖的機會很多. 後來職員話只要到下一個小鎮轉船, 可以一個鐘頭回來, 好! 殺你!
琉森湖好大, 遊畢全程要6小時, 可惜天色已晚, 而且我們仍未適應這裡的氣溫, 我覺得好凍, 好大風. 湖邊的小鎮好寧靜, 但我就覺得靜到有D驚, 畢竟我都係香港人, 習慣了熱熱鬧鬧的生活, 要是住在這些地方, 我一定會悶死~~~~
落船後, 本想到一家有民族表演的餐廳食飯, 但卻找不到, 算啦, 坐火車返去Zurich , 想在火車站去洗手間, 點知要CHF2, 無計, 都要去, 然後在火車站見到Coop, 即刻入去看看, 買下野飲, 一支500ml Fanda 要CHF1.3... 返到Zurich, 火車站旁邊有間亞洲餐廳, 我們研究過附近都無野食, 就在這裡食飯 (我實在有點猛憎, 成日都無好好地食過野啦). 不過, 一碟Curry 飯要CHF18.5 @_@
食完, 返酒店, 這時約10點, 蘇黎世市面完全安靜下來, 這刻我覺得, 還是香港好
返到酒店, 第一時間到reception, 老公的backpack 已經送來了. 放心晒. 拿著行李返房, 落機後玩足一日, 大家都很累了.......
No comments:
Post a Comment