歐洲之旅 - 準備出發

話說Anita 公司出現左D問題, 由7月中開始過著日夜顛倒的生活, 重要係舖頭比客鬧. 所以同老公商量過後, 決定劈炮唔撈, 炒老闆魷魚. Last day 係12/9....

之後, 當然要好好地嘆下, 休息下, 襯呢個超級悠長假期做自己想做的事, 去旅行就成為我最大的目標. 去邊度好呢? 頭盤係同阿媽去華東, 最主要係襯阿媽仍行得走得時同他一齊玩. 當然自己也很享受這個旅程啦!














不過, 都好似唔多夠皮, 都係想同老公去玩下, 原先打算去泰國. 但係當時又有暴亂, 觀察了半個月都無緩和的現象. 而老公也知道我一直都好想去歐洲, 所以, 最後決定由泰國轉去法國 +瑞士. 跟住立即開始找平機票. 上到歐陸, 找了很久, 發現CX 10月份有promotion. $4960 來回 (不過燃油附加費成$3280). 老公二話不說就hold 左機位, 2/10出發, 14/10番到香港. 老公番到公司同老細請假. 老細都approve. 嘩! 正! 即刻比$出機票. 當時係9/9. 哈哈, 我的生日! 真係份好好的生日禮物.


出左機票, 要預備的事還有好多, 例如要好好計劃行程, 出Swiss Pass, 唱錢, 借背囊, book hostel / hotel. 剩番三個星期, 而其中一個星期重同阿媽去左華東添, 真係要快D手先得啦!